香港中華基督教青年會

不要單單問「今日乖唔乖呀？今日有無曳呀？」 16種問題，幫助你了解孩子的校園生活

文: 馬慶民先生 (輔導組 心理輔導員)

• 作為父母，接孩子放學或孩子回家後或自己放工回家，也很想關心孩子的校園生活，但不知多少次他們的回應反倒令你很沮喪的。
• 其實除了問﹕「今日乖唔乖呀？今日有無曳呀？」，仲有咩問題可以問？

除了「今日乖唔乖呀？今日有無曳呀？」，還有很多方式能夠幫助我們了解孩子的內心世界。以下16種問題，幫助我們更了解孩子的校園生活﹕

1. 話俾我聽下，今日學咗啲咩，令你覺得好興奮嘅？
2. 話俾我聽下，今日教過啲咩，令你仍然好混亂嘅？
3. 諗一諗，今日學嘅野、做嘅野，有咩令你對自己發現多咗？有啲咩，你仲係好多疑問嘅？
4. 今日有無啲時間，你心入面好擔心嘅？或者令你好驚嘅？
5. 有無人唔鍾意你或者欺負你？
6. 有無咩時間，你感受到有同學關心你？
7. 有無咩時間，你感受到有老師關心你？
8. 今日同同學相處成點？同佢地做過啲咩，令你好開心嘅？
9. 今日做過啲咩，令你好欣賞自己嘅？
10. 今日做過啲咩，你覺得好大挑戰嘅？
11. 今日做過啲咩，令你對自己發現多咗？
12. 今日有無咩比尋日有進步嘅？
13. 有無啲咩，你想同我講，又想我幫倒你嘅？
14. 聽日返學，有無咩事情，你好擔心嘅？
15. 聽日返學，有無咩事情好期待嘅？
16. 有無啲問題，你好想我今日會問問你嘅？

  以上問題，因著不同年齡的小朋友需要有所調節，最要緊的，父母將心比心，一個生命很在乎、很重要的人，當他/她好願意認識自己，用心去聆聽自己，對自己生命多麼有興趣，世上沒有甚麼事比起這樣更為美好。

標籤: 文章分享, 輔導服務, 兒童臨床心理服務